Brandari dagsins-ég hló mig máttlausa... svona næstum því

Guðmundur var að spjalla við Tom, kunningja sinn í Kaliforníu. „Ég er að fara til La Jolla í næstu viku", sagði Guðmundur. „Þú átt að segja La 'Hoj-a'!" greip Tom fram í. „Ó, ég skil. Við hjónin ætlum að dvelja á El Cajón hótelinu", bætti Guðmundur við. „Þú meinar El Ca 'Hóne' hótelinu!" leiðrétti Tom aftur. „Úps, ég skil.", sagði Guðmundur. „Hvenær ferðu svo aftur til Íslands?" spurði Tom. Guðmundur hugsaði sig um í smástund og sagði svo varfærnislega: „Veit ekki, annaðhvort í húní eða húlí."

Brandari dagsins

Þrír menn sátu saman og voru að monta sig af því hvernig þeir höfðu látið nýju konurnar sínar fá skyldur og verkefni heima fyrir. Sá fyrsti hafði gifst konu frá Colarado og hann hafði sagt henni að hún ætti að þvo upp og þrífa húsið. Það tók nokkra daga en á þriðja degi kom hann heim í hreint hús og uppvaskið búið og frágengið.
Annar maðurinn hafði gifst konu frá Nebraska. Hann hafði skipað konu sinni að sjá um öll þrif, uppvask og eldamennsku. Fyrsta daginn hafði ekkert gerst, annan daginn hafði það aðeins skánað og þann þriðja var húsið hreint, uppvaskið búið og svaka steik og meðlæti í matinn.

Þriðji maðurinn hafði gifst konu frá Íslandi. Hann sagði henni að hennar verk væru að halda húsinu hreinu, sjá um uppvaskið, slá garðinn, þvo þvott og elda heita máltíð í hverjum matmálstíma. Hann sagði að fyrsta daginn hefði hann ekki séð neitt, annan daginn sá hann ekki neitt en á þriðja degi minnkaði bólgan aðeins svo hann sá aðeins með vinstra auganu, nóg svo hann gat útbúið sér eitthvað að borða og sett í uppþvottavélina!